原名陈煦晴，係香港viuTV电视主持人，亦做过模特儿兼电影演员。佢而家同时係环球狂热旗下艺人。

陈俞希中学读五旬节林汉光中学，之后喺香港演艺学院舞台管理系毕业。佢本嚟係模特儿，其中2007年佢参选过香港苹果日报搞嘅“Apple Girl选举”。到2009年佢入咗八模兵团出过写真集，开始畀公众留意，当时畀人叫佢做“周秀娜师妹”。之后佢入咗香港女DJ组合Monster Beez。2011年底，陈俞希参加now TV搞嘅“CEO 选拔赛”入到总决赛，最后攞季军，之后正式加入now TV，转形做电视节目主持，主要做now观星台节目，2016年开始兼埋viuTV嘅工作，当中比较出名嘅演出包括《借宿一宵》嘅主持。